Kapet sërish peshk helmues në Vlorë, rasti i tretë në zonë

Një tjetër peshk helmues, i njohur nga peshkatarët me emrin “Palla”, është kapur në rrjetat e peshkatarëve të QPO, duke shënuar rastin e tretë të pranisë së kësaj specieje në zonë dhe të dytin brenda dy muajve të fundit.

Sipas të dhënave, ekzemplari i kapur ka një gjatësi prej 55 cm dhe peshon 1.630 kg. Ky peshk pritet të konservohet dhe më pas t’i dhurohet Universiteti Bujqësor i Tiranës, me kërkesë të profesor Rigers Bakiu, i cili merret me studimin e specieve invazive.

Peshkatarët dhe specialistët theksojnë rëndësinë e informimit të publikut për praninë e këtyre specieve potencialisht të rrezikshme, ndërsa një falënderim i veçantë u është drejtuar edhe njerëzve të shkencës dhe mediave për reagimin dhe informimin në kohë reale.