“Karafili i Kosovës” thotë se s’ka ligj për gjuhën shqipe në RMV”, Vokshi për Kurtin: Zgërdhihet me Mickoskin

Analisti Indrit Vokshi ka folur këtë të hënë në emisionin “Now me Erla Mëhillin” lidhur me protestën e studentëve për gjuhën shqipe në Maqedonia e Veriut. Vokshi e ka quajtur indirekt kryeministrin Albin Kurti një “karafil”, pasi sipas tij ai po thotë se nuk ka ligj për gjuhën shqipe.

“Duhej të ushtrohej presioni i nevojshëm që kjo të mos ishte çështje në televizor. Pse duhet të jetë kjo çështje në televizor? Pse duhet të jetë çështje në televizor provimi i Juridikut, kur kjo mund të ishte zgjidhur me ultimatume të qeverive përkatëse, duke ia bërë të qartë qeverisë së Maqedonisë se nuk duhet t’i kalojë këta kufij? Del ai ‘karafili i Kosovës’ dhe thotë se nuk ka ligj për gjuhën shqipe. Kujt ia thotë ai këtë? Për kë është ky mesazh tani?”, tha Vokshi.