Karikaturat për Charles III, ironi në revistat botërore për ceremoninë e kurorëzimit

E gjithë bota bëhet gati për kurorëzimin e mbretit Charles III. Përgatitjet janë drejt fundit për ceremoninë finale të 6 majit, madje të shumta janë edhe karikaturat që janë publikuar në mediat.

Revista satirike franceze Charlie Hebdo  është njëra prej tyre e cila me karikaturën e saj merr shumë vëmendje.

Kryetitulli i saj është ironik ku shkruhet: “Një kurorëzim i suksesshëm”. Në karikaturë mbreti mban si kurorë një skelet që përfaqëson princeshë Dianën. Në imazh janë edhe princi William dhe Harry ku shkruhet: “Edhe mami do të vijë”.

Ndoshta revista paraqet edhe ndjenjat e shumë qytetarëve për kurorëzimin dhe faktin se Camilla nuk e meriton titullin e mbretëreshës, por karikatura kanë krijuar edhe shumë media të tjera.

Në revistën amerikane The Times është shfaqur karikatura e princ Harry që gjatë kurorëzimit shpërndan librin e tij në vend të biblës. Në një tjetër karikaturë austriake shfaqen mbreti dhe bashkëshortja Camilla që ngjasojnë si gjysmë kafshë.

Një tjetër artist italian  ka pikturuar mbretin në momentin e kurorëzimit duke luajtur me imazhin e tij. Mbreti me karrocë i afrohet kurorës e çuditet pas gjithë kësaj kohe, është kjo karikatura e një artisti kubanez.

Hija e mbretëreshës mbi mbretin Charles, apo fytyra e monarkut mbi paranë australiane, janë të tjera karikatura që po qarkullojnë në media.

LEXONI GJITHASHTU:

• A u ftua Putin në kurorëzimin e Charles-it III? Zbardhen detaje nga ceremonia
• “Guri i fatit” del për herë të parë pas 25 viteve për kurorëzimin e Charles III