Festimi i kulturës së Karaibeve nis në Notting Hill, në perëndim të Londrës dhe vazhdon deri të hënën në mbrëmje. Mjetet lëvizëse të dekoruara, skenat e sistemit zanor dhe tezgat me ushqime kanë mbushur rrugët.
Festivali tërheq një turmë të larmishme familjesh dhe dashamirës të muzikës. Ky vit shënon gjithashtu 75-vjetorin e ankorimit të HMT Empire Windrush, duke transportuar pasagjerë nga Karaibet në MB.
“Pra, po, ne vijmë çdo vit. Veçanërisht është e rëndësishme t’u tregojmë fëmijëve tanë historinë e Karaibeve, prindërve tanë që vinin këtu dhe atë që bënin dikur. Pra, është duke vazhduar traditën e ardhjes në karnaval”, thotë Michael Denys.
Njerëzit që vijnë për të marrë pjesë në festival janë të shumtë. Disa rikthehen për herë të dytë ose të tretë, për te festuar. Adhuruesit kanë mbushur rrugët e Londrës, për të marrë pjesë në një nga festimet më të mëdha në botë të muzikës dhe kulturës se Karaibeve.
Organizatorët thonë se deri në 2 milionë njerëz pritet të marrin pjesë në muzikë, parada, vallëzim dhe ushqim gjatë dy ditëve të festës më të madhe në rrugë në Evropë, e cila filloi të dielën me një paradë për fëmijë.
Karnavalet e gjurmojnë historinë e tyre që nga viti 1958, kur aktivistja nga Trinidadi për të drejtat e njeriut Claudia Jones filloi të organizonte një tubim për të bashkuar komunitetin pas një serie sulmesh raciste ndaj njerëzve me ngjyrë në lagjen Notting Hill.
LEXONI GJITHASHTU:
- Karnavalet e Korçës, hapet sezoni turistik, mijëra qytetarë festojnë të maskuar
- Karnavalet e Nartës, festa pagane që pason Pashkën ortodokse
