“KAS regjistroi PD”, ish kreu i KQZ: E pritshme, ja pse u mor një vendim i tillë

Ish kryetari i Komisionit Qendror të Zgjedhjeve (KQZ), Kristaq Kume thotë se vendimi i KAS për regjistrimin e Partisë Demokratike në zgjedhjet e 14 majit me kryetar të komanduar Enkelejd Alibeaj, ishte e pritshme.

Në një intervistë për Euronews Albania, Kume u shpreh se KAS formohet nga anëtarë të dyja partive kryesore PD dhe PS, ndërsa Komisioneri Shtetëror i Zgjedhjeve është zgjedhur si rezultat i dakordësisë të të gjithë palëve politike.

“Ky ishte një vendim që për mua pritej të merrej si i tillë. E kam thënë në mënyrë të përsëritur këtë gjë kur jam pyetur. Mendimin tim e kam mbështetur në faktin se, KAS-i, ndryshe nga Komisioneri Shtetëror është i formuar me anëtarë të cilët janë aty sepse kanë dashur partitë politike, PD dhe PS.

Ndërkohë që Ilirjan Celibashi është në atë detyrë si rezultat i dakordësisë të të gjithë palëve politike. Kjo më ka bërë që të shprehem se asgjë nuk ka ndryshuar pavarësisht se u ndryshua mënyra sesi do ndërtohet KQZ nga komisionet e mëparshme, te dy trupat kolegjiale të tij, KAS-i dhe tek rregullatori”, theksoi ai.

LEXONI GJITHASHTU

• KAS vendosi hyrjen e PD-së në zgjedhjet loakle, reagon Gazment Bardhi
• KAS vendosi hyrjen e PD-së në zgjedhjet loakle, reagon Gazment Bardhi
• KAS merr vendimin për PD-në, rrëzohet Berisha. Në zgjedhje regjistrohet Alibeaj