KAS rrëzon kërkesën e PDIU, komisioneri i katërt në grupet e numërimit mbetet i LSI-së

Në mbledhjen e zhvilluar sot, Komisioni i Ankimimeve dhe Sanksioneve në KQZ ka rrëzuar ankesën e PDIU.

Kjo e fundit kundërshtonte vendimin e komisionerit Celibashi duke kërkuar të kishte numëruesit e saj në komisionet e zgjedhjeve të 25 prillit.

Argumenti i Celibashit, që u mbështet edhe nga KAS, ishte se PDIU ishte pjesë e koalicionit PD e Aleanca për Ndryshim dhe nuk garonte si subjekt më vete dhe për këtë arsye nuk i takojnë numërues.

Tashmë, me këtë vendim të KAS, komisioneri i katërt në grupet e numërimit do i takojë LSI-së.

Ndërkohë fleta e votimit për zgjedhjet e 25 prillit të jetë me numra dhe jo me emrat e kandidatëve për deputetë.

Këtë vendin e mori Kolegji Zgjedhor më 4 prill, pas ankimit të vendimit të KAS nga Partia Demokratike.