Katari dënon sulmin ndaj bazës ajrore amerikane: Shkelje flagrante e sovranitetit

Qeveria e Katarit ka reaguar me tone të ashpra, duke dënuar fort sulmin me raketa ndaj Bazës Ajrore al-Udeid.

Zëdhënësi i Ministrisë së Punëve të Jashtme, Majed al-Ansari, në një deklaratë zyrtare në platformën “X” shkruan:

“Ne e konsiderojmë këtë një shkelje flagrante të sovranitetit të Shtetit të Katarit, hapësirës së tij ajrore, ligjit ndërkombëtar dhe Kartës së Kombeve të Bashkuara.”

Sipas tij, sistemet e mbrojtjes ajrore të Katarit e penguan me sukses sulmin dhe interceptuan raketat iraniane, ndërsa baza ishte evakuuar më herët.

“U morën të gjitha hapat e nevojshëm për të garantuar sigurinë e personelit në bazë, përfshirë anëtarët e Forcave të Armatosura të Katarit, forcat mike dhe të tjerë.”

Ai konfirmoi se nuk ka pasur viktima apo të lënduar, ndërsa paralajmëroi se Katari rezervon të drejtën për t’u përgjigjur në mënyrë të barabartë me natyrën dhe shkallën e këtij agresioni të paturpshëm.

Ndërsa Ministria e Jashtme e Katarit ka lëshuar një deklaratë ku thuhet se “pohon se situata e sigurisë në vend mbetet e qëndrueshme dhe nuk ka arsye për shqetësim”.

“Ministria thekson rëndësinë e mosdhënies së zërave ose qarkullimit të informacionit të pasaktë”, thuhet në deklaratë.

Ministria e Jashtme thotë se do të koordinohet me autoritetet e tjera të Katarit për të “siguruar sigurinë e qytetarëve dhe banorëve, si dhe për të ruajtur normalitetin e jetës publike”.

Momenti kur sistemet amerikane asgjesojnë raketat e lëshuara nga Irani në Doha pic.twitter.com/76Bgbz3Sof

— Euronews Albania (@EuronewsAlbania) June 23, 2025

LEXONI GJITHASHTU:

• “Premtimi i Fitores”, çfarë thotë Irani për sulmin ndaj bazave amerikane
• Mediat iraniane: Ushtria jonë ka lëshuar raketa drejt Katarit dhe Irakut
• Pamje/ Irani sulmon me raketa bazën amerikane në Katar, shpërthime mbi Doha