Katër rajone të Ukrainës, të kontrolluara nga forcat ruse, do të zhvillojnë referendume këtë të premte për bashkimin me Rusinë.
- Advertisement -
Mbajtja e referendumeve është dënuar gjerësisht nga Perëndimi si e paligjshme dhe pararendëse e aneksimit të paligjshëm nga Moska, shkruan Reuters.
Votimi në provincat e Luhansk, Donetsk, Kherson dhe Zaporizhia, që përfaqësojnë rreth 15% të territorit ukrainas, do të zhvillohen nga e premtja deri të martën.
Kundërsulmi i suksesshëm i ushtrisë ukrainase ka bërë që Kremlini të përshpejtojë planet për të aneksuar territoret e kontrolluara nga trupat e tij.
Më herët, aleanca ushtarake e NATO-s deklaroi se mbajtja e referendumeve mund të krijojë një përshkallëzim të luftës.
LEXONI GJITHASHTU
- Perëndimi dënon planet ruse për referendumet në territoret e pushtuara në Ukrainë
- Lavrov: Rajonet pro-ruse të Ukrainës të marrin në dorë fatin e tyre
