Kati i 10-të i ndërtesës i shkatërruar, pamjet pas sulmit me dronë në Rumani (FOTO)

29 Maj 2026 | 10:57

Sulmi me dronë në Rumani ka lënë dëme të shumta materiale. Droni rus goditi një pallat apartamentesh në Rumani, duke shkaktuar zjarr dhe duke plagosur dy persona. Incidenti ndodhi të premten në qytetin lindor të Galatit -pranë kufijve lindorë të Rumanisë me Ukrainën dhe Moldavinë.

Siç shihet edhe nga pamjet, ndërtesa ku ka rënë droni ka shkatërruar tëresisht banesën e cila është shkrumbuar nga flakët.

Shërbimet e emergjencës së Rumanisë thanë se e gjithë ngarkesa shpërthyese e dronit shpërtheu dhe shkaktoi zjarr në katin e 10-të të ndërtesës së apartamenteve.

Dy persona morën trajtim mjekësor për gërvishtje dhe rreth 70 persona u evakuuan ndërsa zjarri u shua.

Dronët rusë kanë kaluar kufirin e Rumanisë disa herë gjatë luftës katërvjeçare me Ukrainën, por kjo është hera e parë që civilë nga vendi i NATO-s janë plagosur. Rusia ende nuk ka komentuar për incidentin.

Lidhur me ngjarjen janë informuar të gjithë aleatët e NATO-s dhe partnerët e Bashkimit Evropian. Komunikimi me strukturat ushtarake aleate është i vazhdueshëm.

Rumania u ka kërkuar zyrtarisht aleatëve të vendosin aftësi shtesë kundër dronëve në territorin kombëtar për të forcuar mbrojtjen e saj dhe krahun lindor të aleancës.

Rumania gjithashtu do të informojë zyrtarisht Këshillin e Sigurimit të Kombeve të Bashkuara për atë që e quan një shkelje brutale dhe të përsëritur të së drejtës ndërkombëtare nga Federata Ruse.

Home Kryefaqja
Shiko në: YouTube
Lajme të Sugjeruara

Numri i të vdekurve nga tërmetet në Venezuelë rritet në 920

Numri i të vdekurve nga dy tërmetet e fuqishme që goditën Venezuelën është rritur në 920, ndërsa numri i të plagosurve ka arritur në 3,360,...
21:13 | 26/06/2026

Agjencia detare e OKB: Evakuohen 115 anije nga Ngushtica e Hormuzit

Agjencia detare e OKB-së bëri të ditur se që nga e marta janë evakuuar rreth 115 anije dhe 2,500 detarë nga Ngushtica e Hormuzit, ndërsa...
20:50 | 26/06/2026

Trump kërcënon me tarifa 100% ndaj vendeve që taksojnë kompanitë amerikane

Presidenti i Shteteve të Bashkuara, Donald Trump, ka paralajmëruar se do të vendosë tarifa prej 100% për importet nga çdo vend që miraton një taksë...
20:47 | 26/06/2026