Në ceremoninë e ndarjes së çmimeve Grammy 2020, artistja Billie Eilish shkroi historinë, duke fituar 5 trofe.
Eilish u vlerësua si “Artistja Më e Mirë”, “Kënga”, “Albumi” dhe “Muzika e Vitit”. Eilish është performuesja më e re solo që fitoi “Albumi i Vitit”, pasi rekordi i mëparshëm mbahej nga Taylor Swift për albumin “Fearless”, asokohe në moshën 20-vjeçare.
Ajo u bë gjithashtu e para grua dhe personi i dytë që fitoi njëkohësisht çmimet e mësipërme.
18-vjeçarja mori gjithashtu në shtëpi çmimin “Albumi Më i Mirë Pop”.
Të nominuarit e tjerë për këtë çmim ishin Bon Iver, (“I, I”), Lana Del Rey (“Norman F***ing Rockwell”), Ariana Grande (“Thank U, Next”), H.E.R. (“I Used to Know Her”), Lil Nas X (“7”), Lizzo (“Cuz I Love You”) dhe Vampire Weekend (“Father of the Bride”).
Në fjalën e saj, Eilish shprehu mirënjohjen pa harruar të falenderojë fansat, që sipas saj janë arsyeja kryesore që bëjnë të mundur praninë e tyre në ceremoni.
Artistja u shoqërua nga vëllai dhe njëkohësisht partneri i saj në muzikë, Finneas, i cili po ashtu fitoi dy çmime për punën e mirë në bashkëpunim me motrën e tij.
Ceremonia e 62-të e “Grammy Awards 2020” u prezantua të dielën e 26 janarit në Los Anxhelos.
