Këngëtarja kërkon të shpallet agjente e huaj, i shoqi kritikoi luftën në Ukrainë

Këngëtarja ruse Alla Pugacheva, shumë e njohur që nga kohërat sovjetike, thotë se dëshiron të shtohet në listën e agjentëve të huaj të Rusisë në shenjë solidariteti me bashkëshortin e saj, i cili është shpallur  i tillë nga autoritetet ruse.

Deklarata e Pugacheva në Instagram është një shuplakë nga një figurë e shquar ndaj zyrtarëve rusë.

Bashkëshorti i Pugacheva, këngëtari dhe prezantuesi televiziv Maxim Galkin, i cili ka kritikuar dërgimin e trupave ruse në Ukrainë, u shtua në listën  e agjentëve të huaj nga ministria e drejtësisë me pretendimin se ka kryer  aktivitete politike në emër të Ukrainës dhe marrjen e fondeve ukrainase.

Këngëtarja e cilësoi Galkinin një “patriot të vërtetë dhe të pakorruptueshëm”. Ajo ka kritikuar edhe luftën në Ukrainë duke u shprehur se vështirëson edhe më shumë jetën e qytetarëve rusë.

Sipas ligjit rus  organizatat dhe individët që mendohet se janë të përfshirë në veprimtari politike që marrin fonde nga jashtë, shpallen agjentë të huaj. Termi mbart një kuptim të fortë poshtërues dhe nënkupton një kontroll të fortë të qeverisë.

LEXONI GJITHASHTU

• Putin: Të parandalohet përshkallëzimi i konfliktit në kufirin Kirgistan-Taxhikistan

• India paralajmëron Putinin: Nuk është koha për luftë