Kërcënimet e Putinit me armë bërthamore, SHBA: Të pamatura dhe të papërgjegjshme

SHBA ka ‘goditur’ Vladimir Putinin për retorikën e tij bërthamore, duke thënë se ajo ka qenë “e pamatur dhe e papërgjegjshme” gjatë gjithë luftës në Ukrainë.

Sipas mediave të huaja, një zyrtar tha se Uashingtoni nuk ka parë asnjë tregues se Moska është gati të shtypë butonin për përdorimin e armëve bërthamore.

Këto deklarata vijnë si përgjigje ndaj komenteve më të fundit të Putinit se Rusia ishte e përgatitur për një konfrontim bërthamor nëse kishte një kërcënim për sovranitetin ose sigurinë e saj.

Amerika nuk e ka ndryshuar pozicionin e saj bërthamor si rezultat i deklaratave të Putinit, tha zyrtari.

Adrienne Watson, zëdhënëse e Këshillit të Sigurisë Kombëtare të Shtëpisë së Bardhë, tha në një deklaratë se “retorika bërthamore e Rusisë ka qenë e pamatur dhe e papërgjegjshme gjatë gjithë këtij konflikti”.

Kujtojmë se që prej nisjes së luftës në Ukrainë, kërcënimet bërthamore nga ana e Rusisë kundrejt Perëndimit kanë qenë të përhershme.

LEXONI GJITHASHTU:

• Kryeministri i Finlandës: Rusia po përgatitet për konflikt të gjatë me Perëndimin
• Putin paralajmëron Perëndimin: Rusia është gati për luftë bërthamore