Kërcënimi i prokurorëve, flet kryetarja e KLP-së: 18 prej tyre kanë kërkuar mbrojtje

Gjatë raportimit në Kuvendin e Shqipërisë këtë të enjte, Kryetarja e Këshillit të Lartë të Prokurorisë, Mirela Bogdani, foli edhe për masat e sigurisë në gjykata dhe prokurori.

Ajo njoftoi se KLP dhe Këshilli i Lartë Gjyqësor pritet të zhvillojnë një mbledhje të përbashkët për të adresuar çështjet që lidhen me sigurinë dhe infrastrukturën në institucionet e drejtësisë.

“Pjesa e sigurisë apo infrastruktura në Prokurori, nga niveli i adresimit të masave varet nga KLP dhe me KLGJ duhet të hartojnë strategji për sigurinë në gjykata dhe prokurori. Mbledhja e përbashkët do të adresojë në mënyrë të dedikuar këtë çështje, do zhvillohet në dhjetor ndësa për infrastrukturën është Prokuroria e Përgjithshme institucioni që ka buxhetin dhe detyrimin për të menaxhuar infrastrukturën dhe të tjera. Në takimin e përbashkët me KLGJ do të jetë pjesë edhe Prokurori i Përgjithshëm për të adresuar në mënyrë të plotë këtë çështje. Në 2024, ka 11 prokurorë që kanë bërë kërkesa dhe u është miratuar kërkesa për të pasur mbrojtje të plotë dhe për familjet e tyre. Për 2025, janë 7 të tillë,” – tha Bogdani.

LEXONI GJITHASHTU:

• Kryetarja e KLP-së, Bogdani në Kuvend: Emëruam 3 prokurorë në SPAK
• EMRAT| Gara për kreun e ri të SPAK, KLP miraton listën me 4 kandidatë