‘Kërcënimi’ i SHBA për armët, Netanyahu: Nëse duhet, do të luftojmë edhe me thonj

Kryeministri i Izraelit, Benjamin Netanyahu, ka deklaruar se vendi i tij do të qëndrojë edhe i vetëm, nëse do të duhet të qëndrojnë vetëm në betejën përballë Hamasit.

Sipas mediave të huaja, komentet Netanyahu i bëri pasi presidenti i SHBA-ve, Joe Biden, tha se do të ndërpresë furnizimin me armë të Izraelit pas nisjes së ofensivës në Rafah.

Netanyahu tha gjithashtu se nëse do të duhet, do të luftojnë edhe me thonj në këtë betejë.

Pjesë nga deklarata e Netanyahut:

Jemi në mbrëmjen e festës së Pavarësisë, në Luftën e Pavarësisë, 76 vjet më parë, ishim pak kundër shumë.

Ne nuk kishim armë, kishte një embargo armësh ndaj Izraelit, por me ndihmën e fuqive tona mendore, heroizmit dhe unitetit brenda nesh, ne fituam.

Sot jemi shumë më të fortë, jemi të vendosur e të bashkuar për të mposhtur armiqtë tanë dhe ata që duan të na dëmtojnë.

Nëse duhet të qëndrojmë vetëm, do të qëndrojmë vetëm. E kam thënë tashmë që nëse duhet, do të luftojmë edhe me thonj.

Por ne kemi shumë më tepër se gozhdë dhe me të njëjtat fuqi mendore, me ndihmën e Zotit, së bashku do të fitojmë.

LEXONI GJITHASHTU:

• Gjykata Ndërkombëtare Penale po përgatit një urdhër arresti për Netanyahun
• Netanyahu i vendosur ta pushtojë Rafahun “me apo pa marrëveshje” për pengjet