Udhëheqësi bjellorus, Alexander Lukashenko, ka deklaruar se rreziku i incidenteve ushtarake përgjatë kufirit me Ukrainën është mjaft i lartë, raporton agjensia e lajmeve ruse RIA.

Presidenti i Bjellorusisë, shtoi në deklaratën e bërë këtë të enjte se mund të ketë një “apokalips” nëse Rusia përdor armë bërthamore si hakmarrje për veprimet perëndimore.

Lukashenko zbuloi se Bjellorusia kishte zhvendosur disa batalione të gatshme luftarake nga rajoni i Vitebsk , i vendosur në kufirin e tij me Rusinë, në kufijtë perëndimor të vendit.

Në një artikull tjetër nga Reuters, duke cituar agjencinë shtetërore ruse të lajmeve Tass, Lukashenko u citua të thoshte se ishin gati kushtet për të filluar bisedimet e paqes Rusi-Ukrainë .

Lideri bjellorus tha se tekstet paraprake të diskutuara midis zyrtarëve rusë dhe ukrainas në Turqi, në javët e para të luftës, mund të shërbejnë si pikënisje për negociatat.

Tass citoi gjithashtu Lukashenkon të ketë thënë se mund të ketë një “apokalips” nëse Rusia përdor armë bërthamore në hakmarrje për veprimet perëndimore.

LEXONI GJITHASHTU:

• “Moska do nis një ofensive të madhe ndaj…”- Raporti i Institutit Amerikan
• Polonia shprehet e gatshme të mirëpres vendosjen e armëve bërthamore të NATO-s
• Zelensky kundër planit të Trump: S’i japim toka Rusisë