Apeli i GJKKO lë në fuqi sekuestrimin e llogarive bankare të Ajola Xoxës

Ajola Xoxa është paraqitur këtë të enjte në GJKKO për ankimin mbi sekuestrot e llogarive bankare ne vlerën e rreth 850 mijë eurove.

Ankimi u shqyrtua nga gjyqtari Engert Pëllumbi i cili la në fuqi vendimin për sekuestrimin e llogarive bankare.

Vendimi ishte planifikuar të shpallej ditën e djeshme, por avokati i Xoxës kërkoi më shumë kohë për t’u njohur me aktet hetimore, duke bërë që procedura të shtyhet.

Kujtojmë se bashkëshortja e kryebashkiakut të Tiranës, Erion Veliaj është nën masën e detyrimit të paraqitjes.

Njoftimi i GJKKO:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 13.03.2025, shpalli vendimin mbi çështjen penale nr. 11, datë 27.02.2025 regjistrimi, regjistruar mbi ankimin e ankuesve A.X., Shoqëria Tregtare “***” sh.p.k., Shoqëria “***” sh.p.k., me objekt: “Ankim ndaj vendimit nr. 98 Akti, datë 10.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me caktimin e masës së sigurimit pasuror, sekuestro preventive, mbi llogaritë bankare”, dhe vendosi:

• Miratimin e vendimit nr. 98 Akti, datë 10.02.2025të Gjykatës së Posaçme të Shkallës së Parë për Korrupsionin e Krimin e Organizuar.
• Kundër këtij vendimi mund të bëhet rekurs në Gjykatën e Lartë brenda 45 ditëve nga e nesërmja e njoftimit të tij.