Këshilli i Sigurimit të OKB miraton rezolutën e SHBA për armëpushim në Gaza

Këshilli i Sigurimit i Organizatës së Kombeve të Bashkuara ka miratuar një rezolutë për një marrëveshjeje armëpushimi në Gaza, të hartuar nga SHBA, që synon ndalimin për tetë muaj të luftimeve midis Izraelit dhe Hamasit.

Sipas mediave të huaja, Rezoluta u miratua me 14 vota pro, një abstenim nga Rusia dhe asnjë votë kundër.

Marrëveshja e propozuar nga Joe Biden në fund të majit, do të ndodhte në tre faza. Faza e parë e marrëveshjes do të ishte një armëpushim gjashtëjavor, e dyta kthimi i pengjeve të mbetura nga Gaza dhe e treta dhe e fundit, një plan rindërtimi për Gazën.

Rezoluta e KS i bën thirrje Hamasit të pranojë planin trefazor dhe i kërkon Izraelit dhe grupit militant që “të zbatojnë plotësisht kushtet e tij pa vonesë dhe pa kushte”.

Është rezoluta e parë e miratuar nga këshilli që mbështet një plan specifik armëpushimi. Në mars, KS i OKB-së votoi në favor të një armëpushimi të menjëhershëm në konflikt.

Kujtojmë se gjatë luftimeve mes Izraelit dhe Hamasit, me mijëra civilë kanë humbur jetën, të cilët janë kryesisht nga radhët e palestinezëve.

LEXONI GJITHASHTU:

• Ministria e Shëndetësisë në Gaza: Shpëtimi i pengjeve izraelite vrau 274 palestinezë
• Ushtria Izraelite: Pas sulmeve në Gaza, janë liruar katër pengje