Këshilltari i Zelenskit: Ushtarët ukrainas nuk janë dorëzuar në Mariupol

Ukraina ka hedhur poshtë pretendimet e Rusisë, se 1026 ushtarë ukrainas janë dorëzuar në qytetin e Mariupolit.

Oleksiy Arestovych, një këshilltar i lartë i Presidentit Volodimir Zelenski ka thënë se ushtarët kanë depërtuar për t’u lidhur me batalionin Azov, një grup me lidhje të forta me të djathtën ekstreme.

Ai tha se ukrainasit nuk do të dorëzohen dhe se Mariuoli ende po reziston, shkruan BBC.

Më herët gjatë ditën së sotme, ushtria ukrainase paralajmëroi se forcat ruse po planifikojnë të bombardojnë qytetin e Mariupolit dhe se do të nisin një ofensive të re pranë fabrikës së çelikut Azovsta.

Sipas ukrainasve, forcat e armatosura ruse pritet të kryejnë sulme të tjera ndaj civilëve në rajonet e Karkivit dhe Zaporoshias, në verilindje të vendit.

LEXONI GJITHASHTU

• Rusia pretendon se mbi 1 mijë ushtarë ukrainas janë dorëzuar në Mariupol