Këshilltarja e Ramës: Nga samiti prisnim një datë për hapjen e negociatave, paraqitëm 4 propozime

Këshilltarja e kryeministrit, Odeta Barbullushi u shpreh për Euronews Albania se nga samiti i djeshëm qeveria priste marrjen e një date për hapjen e negociatave.

“Ne nuk kishim dje një datë në fakt të qartë në lidhje me këtë. Ka pasur një diskutim mes vendeve të BE për perspektivën e zgjerimit të Ballkanit Perëndimor dhe përfshirjen e kësaj teme në agjendën e diskutimeve”, u shpreh këshilltarja teka shtoi se ‘mesazhi më i fortë politik patjetër që do të kishte qenë marrja e një date të qartë për hapjen e procesit të negociatave”.

Znj. Barbullushi shtoi se samiti i djeshëm i Bashkimit Europian dhe Ballkanit Perëndimor ishte një samit i natyrës politike, i organizuar nga presidenca sllovene e BE-së, ku Shqipëria paraqiti 4 propozime.

“Në fakt synoi të përçonte mesazhin e angazhimi më të madh të Bashkimit Europian me Ballkanin Perëndimor si në fushën politike, për të bërë një vlerësim të reformave dhe për të diskutuar çështje që kanë interes të përbashkët në fushën ekonomike”, tha ajo më tej.

LEXONI GJITHASHTU:

• Rama kritik në Samitin e Brdo: BE po humbet fytyrën në sytë e popujve të Ballkanit Perëndimor
• Serbi-Kosovë dhe Bullgari-RMV, Macron shpjegon situatën e ndërlikuar të Samitit për Ballkanin
• Enver Hoxhaj: Samiti i Sllovenisë ishte simbolik, pa produkt politik