KFOR jep detaje për sulmin në Zubin Potok, thirrja për të dyja palët

KFOR-i ka dhënë detaje të reja rreth një sulmi afër patrullës së saj në veri, për të cilin u raportoua dje.

Misioni i NATO-s në Kosovë sqaron se sulmi është kryer nga disa të armatosur në Zubin Potok.

“KFOR-i po e heton një incident të tërthortë zjarri më 25 dhjetor, në afërsi të një patrulle të KFOR-it. Në incidient ishin përfshirë njerëz të panjohur dhe të armatosur në rajonin e Zubin Potokut”, thuhet në njoftimi, ku bëhet e ditur se nuk ka pasur ndonjë lëndim a ndonjë dëm material.

KFOR njofton se janë planifikuar takime me të gjitha palët, rreth zhvillimeve në veri të Kosovës.

“Përderisa takimet me të gjitha palët janë planifikuar, është e rëndësishme që të gjithë të përfshirët të evitojnë retorikën apo veprimet që mund të shkaktojnë tensione dhe ta eskalozojnë situatën”, thuhet në njoftim.

“Ne presim nga të gjitha palët që të përmbahen nga shfaqja provokative e forcës dhe të kërkojnë zgjidhjen më të mirë pqë siguirnë e të gjithë komuniteteve. NE u kërkojmë të gjitha palëve që të ndihmojnë ofrimin e sigurisë dhe lirisë së lëvizjes në Kosovë dhe të parandalojnë që narrativat mashtruese të ndikojnë në procesin e dialogut”, thuhet më tej nga ana e KFOR.

LEXONI GJITHASHTU:

• “Detyrat janë të qarta”/ Vuçiç dërgon shefin e ushtrisë në kufirin me Kosovën
• Sveçla pas sulmeve në Veri: Lojërat e Vuçiç vazhdojnë, të hiqen menjëherë barrikadat
• KFOR-i konfirmon të shtënat në afërsi të patrullës së tij në Zubin Potok