Punimet mbi urën e Ibrit po vazhdojnë. Me gjithë paralajmërimet e Perëndimit dhe KFOR-it kundër hapjes së saj, qeveria e Kosovës ka angazhuar punëtorë të cilët po e lyejnë urën kryesore në Mitrovicë.
- Advertisement -
Gjatë ditës së sotme në urën e Ibrit është parë një prani e shtuar e pjesëtarëve të misionit të NATO-s në Kosovë, KFOR.
Policia thotë se është e gatshme ta ekzekutojë ndonjë urdhër të mundshëm për hapjen e urës së mbyllur që prej përfundimit të luftës më 1999, ndërkohë që KFOR-i ka paralajmëruar se nuk do ta lejojë këtë, me trupat e misionit paqeruajtës së NATO-s që po qëndrojnë në urë dhe përreth saj.
Ndërkombëtarët kërkojnë qe çështja e urës mbi lumin Ibër duhet të zgjidhet në kuadër të dialogut Kosovë – Serbi në Bruksel.
LEXONI GJITHASHTU:
- KFOR-i pas inspektimeve te ura e Ibrit: S’do lejojmë veprime që prekin stabilitetin
- Ministrat e Kosovës inspektojnë urën e Ibrit, planifikohet të hapet së shpejti
