Ministrat e Kosovës inspektojnë urën e Ibrit, planifikohet të hapet së shpejti

Dy ministrat e Kosovës, Xhelal Sveçla dhe Elbert Krasniqi, si dhe zëvendës-ministri Hysen Durmishi, kanë inspektuar sot Urën e Ibrit, të cilën Qeveria e Kosovës planifikon ta hapë për qarkullim së shpejti.

Aty kanë nisur sot testimet për stabilitetin infrastrukturor të urës. Krahas testimeve, ministri i Punëve të Brendshme, ai i Administratës Lokale dhe zëvendës ministri i Infrastrukturës po kryejnë edhe inspektimin e Urës.

Diskutimet për urën janë aktualizuar në muajt e fundit, pas thirrjeve në Kuvendin Komunal të Mitrovicës së Veriut që ura të hapet tërësisht për qarkullim.

LEXONI GJITHASHTU:

• QUINT dhe NATO nuk e mbështetën, Kurti ngul këmbë në hapjen e urës së Ibrit
• QUINT dhe NATO kundër hapjes së urës së Ibrit, Hovenier flet pas takimit me Kurtin