QUINT dhe NATO kundër hapjes së urës së Ibrit, Hovenier flet pas takimit me Kurtin

“Vendet e QUINT-it dhe NATO-s nuk e mbështesin hapjen e urës së Ibrit në Mitrovicë në këtë kohë”, kështu deklaroi ambasadori i Shteteve të Bashkuara në Prishtinë Jeffrey Hovenier.

Ai i bëri këto komente pas një takimi të përfaqësuesve të vendeve të QUINT-it me kryeministrin e Kosovës, Albin Kurti.

Hovenier tha se për momentin ata nuk mbështesin asnjë ndryshim në statusin e tanishëm të Urës së Mitrovicës.

“Përfaqësuesit e Francës, Gjermanisë, Italisë, Britanisë së Madhe, Shteteve të Bashkuara, së bashku me ambasadorin e BE në Kosovë, u takuam sot me kryeministrin Kurti për ta njoftuar se qeveritë tona në konsultim me NATO-n nuk mund ta mbështesin asnjë ndryshim në statusin e tanishëm të Urës së Mitrovicës në këtë kohë”, tha Hovenier.

Më 18 korrik, Kurti ka se Qeveria e tij synon hapjen e urës kryesore mbi lumin Ibër, dhe se ku veprim nuk është kundër askujt.

Bashkimi Evropian, ndërkohë, ka thënë se çështja e hapjes së urës së Ibrit duhet të jetë temë e dialogut me Serbinë.

Një deklaratë e tillë është kundërshtuar nga presidentja e Kosovës, Vjosa Osmani, e cila tha se “një gjë e tillë do të ishte shkelje e rëndë e sovranitetit, integritetit territorial dhe e kushtetutshmërisë së vendit.

“Vuçiç nuk ka çka pyetet se kur do të hapen urat për qarkullim në Republikën e Kosovës. Dialogu i vetëm që duhet të bëhet, është ai brenda Kosovës, në mes të institucioneve tona dhe partnerëve tanë të sigurisë [veçanërisht me NATO-n]”, shkroi Osmani ne nje postim ne rrjetin social facebook.

LEXONI GJITHASHTU:

• Kurti: Hapja e urës së Ibrit nuk është kundër askujt
• Vizat, Albin Kurti kritika BE: E padrejtë dhe dekaurajuese për integrimin e serbëve