Kievi dhe Odesa goditen nga sulmet ajrore ruse për të dytën natë me radhë

Një sulm masiv ajror goditi portin ukrainas të Odesës për të dytën natë me radhë. Një zyrtar ukrainas e përshkroi sulmin si “ferr”. Autoritetet ukrainase, megjithatë, u zotuan se do të vazhdojnë punën për eksportin e drithërave.

Sulmi ishte “shumë i fuqishëm, me të vërtetë masiv”, tha Serhiy Bratchuk, zëdhënës i administratës ushtarake të Odesës, përmes një mesazhi në kanalin e tij në Telegram të mërkurën.

“Ishte një natë si në ferr”, tha ai, duke shtuar se detajet për dëmet dhe viktimat do të jepen më vonë.

Pas shpërthimit në një urë që lidh Rusinë me gadishullin e Krimesë, për të cilin Moska e fajësoi Ukrainën, Rusia u zotua për hakmarrje dhe nisi sulmet në Odesa.

Odesa është porti më i rëndësishëm për eksportet e grurit të Ukrainës.

Pak kohë pas incidentit të urës, Moska u tërhoq nga marrëveshja e drithërave përmes Detit të Zi që kishte lehtësuar një eksport të sigurt të grurit të Ukrainës për një vit. Kombet e Bashkuara shprehën shqetësimin se ky veprim rrezikon të krijojë uri në mbarë botën.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Kthyen qendrën e masazheve në vatër prostitucioni, e “pësojnë” 5 vajzat në Tiranë
• Shpëtohen 52 emigrantë nga Sudani, pjesë e operacionit edhe efektivë shqiptarë