Shpëtohen 52 emigrantë nga Sudani, pjesë e operacionit edhe efektivë shqiptarë

52 emigrantë nga Sudani dhe Jemeni u shpëtuan nga një gomone në rrezik në brigjet turke falë bashkëpunimit mes Rojës Bregdetare greke, turke dhe efektivëv e shqiptarë të anijes “Butrinti”.

Lajmin e ka bërë të ditur vetë ministri i Mbrojtjes, Niko Peleshi i cili me anë të një statusi në Facebook e ka cilësuar këtë operacion “një tjetër histori suksesi të efektivëve të anijes Butrint”. Ai ka shtuar se Ky operacion i suksesshëm tregon rëndësinë e bashkëpunimit dhe koordinimit mes vendeve në luftën kundër emigracionit të paligjshëm dhe trafikut të njerëzve.

“Një tjetër histori suksesi nga efektivët tanë të anijes “Butrinti”!

52 emigrantë nga Sudani dhe Jemeni u shpëtuan nga një gomone në rrezik në brigjet turke, falë bashkëpunimit mes Rojës Bregdetare greke dhe asaj turke.

Ky operacion i suksesshëm tregon rëndësinë e bashkëpunimit dhe koordinimit mes vendeve në luftën kundër emigracionit të paligjshëm dhe trafikut të njerëzve.

Krenarë që efektivët tanë, pjesë e misionit SNMG2 TU 01, vazhdojnë të bëjnë një punë të jashtëzakonshme dhe të jenë shembulli më i mirë i përkushtimit dhe sakrificës”,-shkruan Niko Peleshi.

LEXONI GJITHASHTU:

• “Sallami të konsumohet 1 herë në 10 ditë”, profesori: Ja çfarë shkakton po u teprua
• Shpërdorim detyre e korrupsion, Policia e Beratit arreston 2 punonjës të IKMT Tiranë