Kievi po ripopullohet, thotë qytetarja ukrainase

Drejtoresha e Institutit Ukrainas për Politikat Ndërkombëtare, Nadija Afanasieva rrëfeu në një intervistë për Euronews Albania jetën që nga fillimi i pushtimit rus në vendin e saj.

Ndërsa foli për rrezikun në çdo qytet të Ukrainas, ajo tregoi se Kievi po ripopullohet.

Nadija u shpreh se kryeqyteti ukrainas është më i sigurti në gjithë shtetin, por sidoqoftë edhe aty dëgjohen shpesh sirena alarmi që paralajmërojnë sulme të mundshme.

“Deri tani nuk ka ndodhur asgjë, pavarësisht se ka pasur disa alarme brenda ditës,” – u shpreh ajo.

Nadija tha se tregues për shtimin e njerëzve në Kiev është trafiku i makinave. Sipas saj qytetarët kanë vendosur të adaptohen me situatën e krijuar që prej fillimit të agresionit rus.

LEXONI GJITHASHTU:

• Qytetarja rrëfen jetën nën pushtimin rus: Nuk ka vend të sigurt në Ukrainë