Kim Jong Un u bë 40 vjeç? Pse lideri i Koresë së Veriut mban sekret ditëlindjen

Kim Jong Un i Koresë së Veriut mund të ketë prekur të 40-at, kjo është ajo që njerëzit dyshojnë. Ai nuk e ka zbuluar kurrë ditëlindjen e tij, duke i lënë vëzhguesit e Koresë së Veriut të hutuar se kur ndodh ajo në të vërtetë.

Nëse kanë të drejtë, ai arriti të 40-at të hënën, në të njëjtën ditë që u publikuan fotot zyrtare të tij dhe vajzës së tij duke vizituar një fermë pulash.

Mbajtja sekeret e ditës së lindjes është në kontrast të plotë me ato të paraardhësve të tij. Në fakt, ditëlindjet e babait të tij Kim Jong Il dhe gjyshit Kim Il Sung ndiqeshin me festime të mëdha kombëtare gjatë kohës së tyre në pushtet. Ato janë ende të shënuara me festa edhe sot e kësaj dite.

Nuk dihet saktësisht pse data, e sugjeruar të jetë 8 janari, mbetet sekret.

Kjo është lënë të kuptohet më herët, me zyrtarët e Koresë së Veriut që falënderuan Presidentin e atëhershëm të SHBA Donald Trump për urimet e tij për ditëlindjen në janar 2020, megjithëse ata nuk specifikuan se cilën ditë.

Dëshmi të tjera të datës ishin shfaqur gjashtë vjet më parë, kur basketbollisti amerikan Dennis Rodman i këndoi ditëlindjen Kim Jong Un para një turme mijëra njerëzish.

Por, pse është ende një sekret? Disa analistë thonë se Kim mund të mendojë se ai konsiderohet ende shumë i ri dhe ka arritur shumë pak për të mbajtur festime të bollshme ditëlindjesh për t’iu përshtatur atyre të paraardhësve të tij.

Yee Ji-sun, një ekspert për shoqërinë dhe kulturën e Koresë së Veriut në Institutin Korean për Unifikimin Kombëtar, një institut i financuar nga shteti, beson se arsyeja kryesore për heshtjen mund të jetë historia pas lindjes së tij dhe nënës së tij të ndjerë, e cila lindi në Japoni.

LEXONI GJITHASHTU:

• Kim Jong Un kërcënon me “asgjësim” Korenë e Jugut dhe SHBA-të
• Kim Jong Un: Testimi i raketës interkontinentale është sinjal i qartë për SHBA