Kina dhe India zotohen të jenë partnerë, jo rivalë

Presidenti kinez Xi Jinping tha sot gjatë takimit me kryeministrin indian Narendra Modi se Kina dhe India janë partnere në bashkëpunim dhe jo rivale, dhe se të dy vendet janë mundësi zhvillimi për njëri-tjetrin, jo kërcënime.

Siç u njoftua nga Ministria e Punëve të Jashtme kineze, Xi Jinping tha pas takimit me Modin në qytetin portual kinez Tianjin se “vallëzimi i dragoit dhe elefantit”, domethënë arritja e marrëdhënieve të fqinjësisë së mirë, miqësore dhe partneriteti midis dy vendeve më të populluara në botë, duhet të jetë zgjedhja e duhur si për Kinën ashtu edhe për Indinë.

Udhëheqësi kinez theksoi se takimi i suksesshëm i vitit të kaluar në samitin e BRICS në Kazan shënoi rinisjen e marrëdhënieve Kinë-Indi, me shkëmbime dhe bashkëpunim midis dy vendeve që përparojnë vazhdimisht.

Ai tha se Kina dhe India, si dy qytetërime të lashta lindore dhe dy vendet më të populluara në botë, janë anëtarë të rëndësishëm të Jugut global dhe se ato mbajnë përgjegjësinë për mirëqenien e popujve të tyre, promovimin e unitetit dhe rigjallërimin e marrëdhënieve midis vendeve në zhvillim, si dhe avancimin e progresit të shoqërisë njerëzore.

LEXONI GJITHASHTU:

• SHBA-të vendosin sanksione për dy kompani nga Rusia, Kina dhe Koreja e Veriut
• Trump mesazh Kinës: Duhet të na japin magnete, ndryshe do vendosim tarifa 200%