Dështon projekt-rezoluta e SHBA në OKB për armëpushim në Gaza, Kina dhe Rusia kundër

Ka dështuar draft-rezoluta e SHBA-së në Këshillin e Sigurimit të OKB-së, për armëpushim në Gaza.

Sipas BBC, projekt-rezoluta e SHBA-së ka dështuar, pasi ishin 11 vota pro, tre kundër dhe një abstenim.

Projekt-rezoluta amerikane kërkonte një armëpushim të menjëhershëm në Gaza, i lidhur me lirimin e pengjeve izraelitë të mbajtur nga Hamasi.

Përfaqësuesja e SHBA-së në Këshillin e Sigurimit të OKB-së, Linda Thomas-Greenfield, ka folur pas dështimit të votimit.

Ajo tha se Rusia dhe Kina nuk donin të votonin për një rezolutë të propozuar nga Shtetet e Bashkuara, sepse ata do të gëzoheshin më shumë nëse do ta shihnin SHBA-në të dështonte.

“Edhe një herë Rusia e vendos politikën mbi progresin”, tha ajo.

LEXONI GJITHASHTU:

• Këshilli i Sigurimit të OKB pritet të votojë për rezolutën për armëpushim në Gazë
• Gjendja e jashtëzakonshme globale/ OKB: Viti 2023 ka thyer rekordet klimatike