Gjendja e jashtëzakonshme globale/ OKB: Viti 2023 ka thyer rekordet klimatike

2023-shi ishte viti më i nxehtë i regjistruar me një diferencë të konsiderueshme. 

Një raport i ri nga agjencia meteorologjike e OKB-së ka zbuluar se sa simptoma të tjera të ndryshimit të klimës ishin jashtë grafikëve vitin e kaluar.

Sekretarja e përgjithshme e Organizatës Botërore Meteorologjike (WMO), Celeste Saulo, është shprehur se “Ndryshimet klimatike janë shumë më tepër se temperaturat”. 

“Ajo që dëshmuam në vitin 2023, veçanërisht me ngrohtësinë e paparë të oqeanit, tërheqjen e akullnajave dhe humbjen e akullit të detit Antarktik, është shkak për shqetësim të veçantë,”, ka thënë ajo.

Raporti i fundit i Organizatës Botërore Meteorologjike për gjendjen e klimës globale bën një pasqyrë të treguesve të shumtë të krizës klimatike, si dhe tregon ndikimet e tyre katastrofike te njerëzit në formën e valëve të të nxehtit, përmbytjeve, thatësirave, zjarreve dhe cikloneve tropikale që intensifikohen me shpejtësi.

Për këtë gjendje globale ka reaguar Sekretari i Përgjithshëm i OKB-së Antonio Guterres, i cili është shprehur se “Sirenat po bien në të gjithë treguesit kryesorë”, dhe se ndryshimet po përshpejtohen.”

Raporti i publikuar më 19 mars, konfirmon se viti i kaluar ishte jashtëzakonisht i nxehtë; me temperatura mesatare globale afër sipërfaqes që arrinin deri në 1.45°C mbi nivelet para-industriale.

LEXONI GJITHASHTU: 

• Muzika më globale, Spotify: Artistët ndërkombëtarë po rriten në popullaritet
• Vula e PD në Gjykatën e Apelit, caktohen 3 gjyqtarët që do ta shqyrtojnë