Kina përfundon termocentralin më të madh diellor në botë

Korporata kineze e energjisë ka ndërtuar termocentralin më të madh diellor në botë me kapacitet 3.5 gigavati që ndodhet në Xinjiang. Projekti i ri diellor shtrihet në një sipërfaqe prej 809 kilometra katrorë dhe pritet të prodhojë 6.09 teravat-orë energji elektrike në vit, duke furnizuar rreth tre milionë familje në Kinë.

Përveç kësaj, Kina njofton fillimin e ndërtimit të një projekti tjetër diellor me kapacitet 4.6 GW, i cili gjithashtu ndodhet në Xinjiang. Ndërtimi do zgjasi 24 muaj dhe do zhvillohet në dy faza. Pritet që në fund, ky termocentral diellor të prodhojë 6.67 teravat-orë energji elektrike në vit.

Kapaciteti i energjisë diellore në Kinë rritet me 55 për qind në vitin 2023, ndërsa kapaciteti i instaluar i energjisë së erës rritet me gati 21 për qind. Qeveria kineze po angazhohet të ndërtojë 1,200 gigavat kapacitet të burimeve të rinovueshme të energjisë deri në vitin 2030.

LEXO GJITHASHTU:

• Lufta tregtare BE-Kinë, rriten tarifat ndaj makinave elektrike kineze
• Katër instruktorë të kolegjit amerikan goditen me thikë në një park publik në Kinë