Kina realizon stërvitje ushtarake teksa delegacioni amerikan viziton Tajvanin

Kina ka zhvilluar stërvitje ushtarake rreth Tajvanit të premten, teksa një delegacion i Kongresit të Shteteve të Bashkuara vizitoi ishullin.

Kjo vizitë shihet si një provokim dhe përpjekje për të ngritur tensionet, sipas autoriteteve kineze, shkruan Reuters.

Ushtria e Kinës dërgoi bombardues dhe avionë luftarakë në detin e Kinës Lindore dhe zonës përreth Tajvanit, deklaroi Komanda e Ushtrisë Çlirimtare Popullore.

Përmes një deklarate, Ministria e Mbrojtjes në Kinë tha se vizita e delegacionit amerikan ishte provokim dhe kjo kishte çuar në përshkallëzim të mëtejshëm të tensioneve në ngushticën e Tajvanit.

Kina e konsideron Tajvanin e vet-qeverisur si një provincë të shkëputur.

Shtetet e Bashkuara nuk kanë marrëdhënie formale me Tajvanin, por janë mbështetësi i saj më i rëndësishëm ndërkombëtar.

LEXONI GJITHASHTU

• Pekini nuk do të dërgojë armë në Rusi, thotë ambasadori kinez në SHBA
• Çfarë i lidh Kinën dhe Rusinë dhe si ka ndikuar lufta në Ukrainë?