Kina: Të gjitha përpjekjet për pavarësinë e Tajvanit të dënuara me dështim

Të gjitha përpjekjet për të krijuar pavarësinë e rajonit të Tajvanit të Kinës janë të dënuara me dështim, tha ministria e jashtme e Kinës pasi Lai Ching-tea mori detyrën si presidenti i ri i Tajvanit.

“Pavarësia e Tajvanit është një rrugë qorre”, tha ministria kineze.

Zyra e Çështjeve të Tajvanit të Kinës tha sot se Lai dërgoi sinjale “të rrezikshme” gjatë inaugurimit që synojnë minimin e paqes dhe stabilitetit, raportoi Reuters.

“Situata aktuale në ngushticën e Tajvanit është e ndërlikuar dhe e zymtë”, tha Zyra në përgjigje të fjalimit inaugurues të Lait.

Lai mori detyrën sot dhe në fjalimin e tij inaugurues i kërkoi Kinës, siç tha ai, të ndalojë kërcënimet e saj ushtarake dhe politike.

Lai, 64 vjeç, u zgjodh në zgjedhjet presidenciale të janarit, duke marrë detyrën nga Tsai Ing-ëen, i cili shërbeu si zëvendëspresident për katër vitet e fundit.

LEXONI GJITHASHTU:

• Kina dhe Rusia forcojnë lidhjet ndërsa Moska vazhdon ofensivën në Ukrainë
• Rusia dhe Kina deklaratë kundër luftës bërthamore: Nuk mund të ketë fitues