Rusia dhe Kina deklaratë kundër luftës bërthamore: Nuk mund të ketë fitues

Rusia dhe Kina kanë lëshuar një deklaratë të përbashkët ku shprehin shqetësimin për rreziqet në rritje që vijnë nga përkeqësimi i marrëdhënieve midis fuqive bërthamore.

Sipas mediave të huaja, në deklaratën e mediave shtetërore ruse thuhet se nuk mund të ketë fitues në një luftë bërthamore.

Të dy vendet vunë në dukje shqetësimin për pjesëmarrjen e Australisë në planet e SHBA-së për parandalimin e zgjeruar bërthamor, thuhet në të.

Rusia dhe Kina janë kundër një konflikti të zgjatur në Ukrainë dhe është e mundur që ai të kalojë në një fazë të pakontrollueshme, paralajmëroi deklarata.

Moska dhe Pekini do të thellojnë më tej besimin dhe bashkëpunimin në fushën ushtarake, thuhet në deklaratë, duke shtuar se do të zgjerojnë shkallën e stërvitjeve të përbashkëta ushtarake.

Kina tha se mbështet përpjekjet e palës ruse për të garantuar sovranitetin dhe integritetin territorial.

Të dy vendet kundërshtuan përpjekjet e disa vendeve për të përdorur hapësirën për konfrontim ushtarak, thuhet në deklaratë.

Rusia dhe Kina dënojnë iniciativat për sekuestrimin e aseteve dhe pronave të shteteve të huaja, sipas mediave shtetërore ruse.

LEXONI GJITHASHTU:

• Rusia pretendon se ka pushtuar qytetin kyç në Ukrainë
• Çollaku: Serbia të ekspozohet ashtu siç është, një vend agresor dhe shtojcë e Rusisë