Kina Veriore dhe Qendrore goditet nga nxehtësia ekstreme

Temperaturat mbi 40 gradë Celsius kanë përfshirë pjesë të Kinës veriore dhe qendrore, duke i bërë autoritetet të lëshojnë paralajmërime për nxehtësinë dhe të ofrojnë ndihmë për fermerët për të mbrojtur prodhimin e ushqimit.

Temperaturat në provincën veriore Hebei, provincën Henan, e cila është çelësi i prodhimit të grurit dhe e njohur si “hambari i Kinës”, dhe provincën lindore Shandong arritën 40 gradë Celsius, raportoi Reuters.

Në Zhengzhou, kryeqyteti i provincës Henan, dhe Shahe, në provincën Hebei, temperaturat arritën dje në 41 dhe 42.9 gradë, temperaturat më të larta të regjistruara për muajin maj, thanë autoritetet. Temperatura të larta priten edhe nesër, sipas parashikimeve të Qendrës Kombëtare Meteorologjike të Kinës.

Vendi po përballet me valë të nxehti gjithnjë e më të gjata dhe më intensive dhe reshje më të shpeshta dhe të paparashikueshme, të cilat janë pasojë e ndryshimeve klimatike, theksojnë ekspertët.

Ata deklarojnë se Kina është veçanërisht e ndjeshme ndaj ngrohjes globale për shkak të popullsisë së saj.

LEXONI GJITHASHTU:

• Ministri i Jashtëm kinez: Pekini respekton sovranitetin e Danimarkës në Grenlandë
• Anija mëmë e re kineze pritet të niset për fluturimin e parë provë