Kina zbulon planin e masave për të nxitur ringjalljen e ekonomisë

Banka Qendrore e Kinës ka zbuluar një paketë masash që synojnë ringjalljen e ekonomisë së vendit.

Guvernatori i Bankës Popullore të Kinës, Pan Gongsheng njoftoi planet për të ulur kostot e huamarrjes dhe për të lejuar bankat të rrisin kreditimin e tyre.

Kjo vjen pasi një sërë të dhënash kanë rritur pritshmëritë se ekonomia e dytë më e madhe në botë do të humbasë objektivin e saj të rritjes prej 5% këtë vit.

Masat që synojnë të nxisin tregun e pronave të goditur nga kriza e Kinës, që përfshijnë uljen e normave të interesit për hipotekat ekzistuese dhe uljen e parapagimeve minimale për të gjitha llojet e shtëpive në 15%.

Industria e pasurive të paluajtshme në vend po lufton me një rënie që nga viti 2021, duke lënë një numër të madh shtëpish të pashitura dhe projekte ndërtimi të papërfunduara.

Masat e reja stimuluese ekonomike të PBOC vijnë vetëm disa ditë pasi Rezerva Federale e SHBA uli normat e interesit për herë të parë në më shumë se katër vjet me një ulje më të madhe se zakonisht.

LEXONI GJITHASHTU:

• VIDEO| Përmbytje masive në Kanë, vërshimet bllokojnë makinat në rrugë
• Largohuni sa më parë nga Izraeli, Kina u bën thirrje qytetarëve të saj të kthehen