Kishte bazën logjistike të bandave, publikohet foto e 40-vjeçarit të arrestuar

Personi që shihni në foton e mësipërme është shetasi Aleks Lulashi, i cili u arrestua këtë të martë si pronari i banesës së kthyer në një bazë logjistike për bandat kriminale.

Sipas policisë, Lulashi dispononte objektin ku furnizoheshin me mjete, grupe kriminale, me qëllim kryerjen e krimeve të rënda kundër personit.

Policia bëri arrestimin e tij në flagrancë për veprat penale “Sigurimi i kushteve dhe mjeteve për të kryer vrasje”, “Trafikim i mjeteve motorike”, “Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.

Strukturat hetimore vijojnë intensivisht punën me qëllim arrestimin e shtetasve për llogari të të cilëve posedoheshin këto mjete/sende dhe që ishin bashkëpunëtorë në këtë veprimtari kriminale.

Gjatë operacionit u sekuestruan: 1 automjet tip “Mazda”, me ndërhyrje dhe me dëmtime në strukturën e tij, për të pamundësuar përcaktimin e të dhënave të automjetit; 5 motomjete me fuqi të lartë motorike, të dyshuar të vjedhur; 4 palë targa, për automjete dhe motomjete, të dyshuara të vjedhura në qytete të ndryshme të Shqipërisë dhe në Kosovë; 400 gramë lëndë e dyshuar eksplozive, me fitil zjarrpërcjellës, e gatshme për shpërthim; Kapuçë si maska, doreza dhe skafanda motomjetesh, veshje për kamuflazh, si dhe një sërë sendesh të tjera që do t’i shërbenin kryerjes së ngjarjeve të rënda kriminale.

LEXONI GJITHASHTU:

• Baza e bandave në Fushë Kuqe, kush është pronari që u arrestua
• “As kriminelët më të mëdhenj nuk e prekin familjen”- Eksperti: Kohët kanë ndryshuar