Kishte kthyer hapësirën publike në vendparkim, procedohet 39-vjeçari

Shërbimet e Komisariatit të Policisë Nr. 2, në bashkëpunim me strukturat e Policisë Bashkiake dhe Inspektoratit të Mbrojtjes së Territorit, kanë vijuar aksionin për lirimin e hapësirave publike të zëna në mënyrë të paligjshme. Këtë herë, ata ndërhynë në një hapësirë të përbashkët pallati në rrugën “Medar Shtylla”, e cila ishte kthyer në një vendparkim automjetesh pa leje.

Në përfundim të veprimeve hetimore, është proceduar penalisht shtetasi A. D., 39 vjeç, për veprën penale “Pushtimi i tokës”. Gjithashtu, automjetet e parkuara në mënyrë të kundërligjshme janë tërhequr me karrotrec, duke liruar kështu hapësirën për përdorim të ligjshëm nga qytetarët.

Policia e Tiranës vijon apelimin se nuk do të tolerohet asnjë rast i cenimit të hapësirave publike.