Kitaristi i talentuar 11-vjeçar fiton çmimin “Europiani i Vitit” në Kosovë

Ledioni, një muzikant 11-vjeçar ka qenë fituesit i çmimit, “Evropiani i Vitit” të mbajtur në Kosovë.

Një çmim, i cili ndahet çdo vit nga ambasada e Bashkimit Evropian në Prishtinë, për nder të Ditës së Evropës që shënohet më 9 maj.

Pas përzgjedhjes së nominimeve është populli i Kosovës ai që e zgjodhi fituesin, përmes votimit në rrjete sociale.

“Ky kitarist klasik 11-vjeçar, jashtëzakonisht i talentuar, është një model i vërtetë dhe një fener shprese. Më shumë të rinj kosovarë duhet ta zgjedhin artin si thirrjen e tyre”, tha Tomas Szunyog, ambasador i BE-së në Kosovë, gjatë ndarjes së çmimit.

Ledioni është një kitarist i talentuar, ai ka fituar 15 çmime në festivale ndërkombëtare në Kosovë dhe në mbarë Evropën.

Fituesit e mëparshëm të Çmimit Evropiani i Vitit janë:

– 2022: Fahrije Hoti, themeluese e Kooperativës Bujqësore Krusha,

– 2021: Armend Shabani, kryetar i Shoqatës së Matematikanëve,

– 2020: Lul Raka, profesor i Mikrobiologjisë në Universitetin e Prishtinës,

– 2019: Visar Ramajli, drejtor i kompanisë KIVO,

– 2018: Jeton Neziraj, drejtor i Qendrës Multimedia,

– 2017: Erzen Shkololli, kurator dhe artist, dhe

– 2016: Majlinda Kelmendi, kampione olimpike në xhudo.