“Kjo ditë të sjellë mbarësi”- Alibeaj e Bejko urojnë Fitër Bajramin

Kryetari i Komanduar i Partisë Demokratike, Enkelejd Alibeaj, i shoqëruar nga kandidati i PD-së për Bashkinë e Tiranës Roland Bejko, zhvilluan këtë të premte një vizitë në Komunitetin Mysliman Shqiptar, ku uruan besimtarët në lidhje me festën e Fitër Bajramit.

Bejko në urimin e tij theksoi se toleranca fetare dhe bashkëpunimi duhet të jetë mesazhi që duhet të përcillet te të gjithë shqiptarët.

“U uroj besimtareve myslimanë ta gëzojnë këtë festë dhe të gjithë të bashkohen më ketë gëzim. Ne kemi tolerancën fetare dhe bashkëpunimin, e ky është mesazhi që duhet të përcillet për të gjithë shqiptarët”, tha Bejko.

Ndërkohë që Alibeaj tha: “Uroj që dhe sakrificat, agjërimi të jetë pranuar. Kjo ditë të sjellë mbarësi, paqe dhe shpirtra të qetë për të gjithë shqiptarët”.

LEXO GJITHASHTU:

• Begaj uron Bajramin: Besimi të jetë shtysë për ne për vepra të mira
• Meta uron Fitër Bajramin: Le të rritet shpresa për një të ardhme më të mirë
• Mijëra besimtarë myslimanë falin Namazin në sheshin Skënderbej