“Kjo quhet krenari”, Rama pas ndeshjes Shqipëri-Kroaci: Përpjekje deri në fund…

Kryeministri Edi Rama ka reaguar me anë të një postimi në rrjetet sociale, pas ndeshjes Shqipëri-Kroaci, e cila u mbyll me rezultatin 2-2.

Rama shkruan se kuqezinjtë dëshmuan se kanë përkushtimin dhe luftuan me mish e me shpirt që të dilnin njësoj me një skuadër si Kroacia, e cila sipas tij është skuadër shumë më e fortë dhe me eksperiencë. Ai shkruan se skuadra duhet të vazhdojë përpara me pasion e përkushtim, ndërsa theksopi se loja e sotme “solli krenari”.

“Përballë një skuadre shumë më të fortë në letër dhe me shumë më shumë eksperiencë në këto nivele ishte një Shqipëri e re, e përkushtuar me mish e me shpirt ndaj flamurit kuqezi, e cila të mbush me krenari, me dashuri, me respekt e me optimizëm për rrugën përpara, përtej këtij Europiani, falë djemve të jashtëzakonshëm dhe publikut të saj po aq të jashtëzakonshëm.
Kokën lart dhe kështu përpara, me pasion, shpirt skuadre, përpjekje deri në fund për të bërë më të mirën”,-shkruan Rama.