Klaudia Pepa dhe Niko Komani komentojnë incidentin me foton në Eurovizion

Eurovizioni ka fshirë nga faqja zyrtare “foton provokuese” të Ronela Hajatit gjatë performancës.

Dy artistë të ekipit të Shqipërisë në Eurovizion, koreografja Klaudia Pepa dhe kostumografi Niko Komani, kanë komentuar mbi situatën për emisionin “Sot” në Euronews Albania.

Niko Komani, tha se performanca e Ronelës është pritur mirë në Itali.

“Unë mendoj se është bërë më e madhe seç është, por impakti ktej është shumë i mirë”, tha Niko Komani.

Komani tha se kënga e Ronelës dëgjohet edhe nëpër klubet në Torino.

“E ndalin Ronelën në rrugë për autograf”, tha ai.

Klaudia Pepa tregoi se kënga pëlqehet shumë, po ashtu edhe Ronela si personazh, dhe se koreografia nuk do të ndryshohet.

Pepa zbuloi se edhe vetë ajo do të jetë pjesë e performancës.

LEXONI GJITHASHTU:

• Eurovizioni fshin foton ‘provokuese’ të Ronela Hajatit nga Instagrami zyrtar