Kliton Gërxhani: Mungon lidhja mes sektorit privat dhe arsimit profesional

Kliton Gërxhani, zv.president i shoqatës së tur operatorëve thotë se turizmi në Shqipëri është goditur rëndë nga pandemia pasi një pjesë e konsiderueshme e punonjësve janë larguar nga vendi.

Largimi i tyre në vendet fqinje për t’u punësuar ka sjell një hendek të madh. Z. Gërxhani shtoi se turizmi ka një qarkullim të stafit në turizëm që shkon deri në 70% dhe nga 90 mijë të punësuar në këtë sektor që janë të deklaruar, 500 të shkolluar të rinj çdo vit nuk plotësojnë dot nevojat.

“Kjo shtresë u rrafshua me cunamin e COVID-it dhe askush nuk i dha stop që t’i mbajmë këta njerëz që Mali i Zi i mori, Greqia i mori apo nuk e di se ku. Është një humbje e jashtëzakonshme që do ta vuajmë”, shtoi ai.

Duke rrëfyer eksperiencën e tij personale, z. Gërxhani tha se studentët që ka marrë në punë kanë qenë të pa përgatitur dhe bën thirrje që të krijon më shumë mundësi që studentët të krijojnë praktika.

“Nëse nuk ka një lidhje shumë të ngushtë mes sektorit privat dhe shkollës ka një problem. Ne jemi komplet të shkëputur nga njëri-tjetri nuk ka asnjë praktikë dhe përvojë”, deklaroi ai.