KLP çon në rekurs pezullimin e 2 prokurorëve të SPAK

Këshilli i Lartë i Prokurorisë ka çuar në rekurs vendimin për pezullimin e 2 prokurorëve të SPAK Alfred Shehu dhe Elvin Gogaj.

Gjykata Administrative e Apelit pranoi ankimin e prokurores Sonila Muhametaj që kundërshtoi moszgjedhjen e saj nga KLP për dy vende vakante që ishin shpallur në SPAK.

Të dy prokurorët të cilët tashmë janë të pezulluar garuan për dy vendet vakante të shpallura nga KLP-ja për në SPAK. Muhametej nuk u përzgjodh dhe e ankimoi vendimin në Gjykatën Administrative.

Gjykata i ka vlerësuar si jo të rregullta procedurat për zgjedhjen e dy prokurorëve, Gogajt dhe Shehut dhe se duhet rishikuar procedura në të cilën është zhvilluar gara.

LEXONI GJITHASHTU:

• Pezullimi i 2 prokurorëve të SPAK, kreu i KLP: Rekurs në Gjykatë të Lartë
• Kraja raporton në KLP: Kemi konsoliduar qendrën e përgjimeve në vitin 2021