Klubi i Tiranës shkarkon trajnerin Vangjel Mile

Klubi i Tiranës ka bërë publik vendimin për të shkarkuar Vangjel Milen nga drejtimi i bardhebluve. Ky vendim vjen pasi skuadra në dy ndeshjet e para, grumbulloi vetëm një pikë.

“Klubi i Futbollit Tirana njofton se bashkëpunimi me trajnerin Vangjel Mile është ndërprerë në mënyrë konsensuale, pas një takimi me anëtarin e bordit drejtues, Grent Halili. Pas diskutimeve mes palëve, u arrit në përfundimin se kjo ishte zgjidhja më e mirë për arsye strategjike dhe në funksion të objektivave të klubit.

KF Tirana falënderon Vangjel Milen për kontributin dhe korrektësinë e treguar gjatë kësaj periudhe”, shkruhej në njoftimin në rrjetet sociale të klubit të Tiranës.

LEXONI GJITHASHTU:

• Tirana beson te dyshja italiane, Bordin dhe Veronese marrin drejtimin e bardhebluve