Manchester United ka reaguar pas një interviste të Cristiano Ronaldos, ku hodhi akuza në drejtim të klubit anglez, duke thënë se ndihej i tradhtuar dhe se nuk kishte respekt për trajnerin Erik ten Hag.
Përmes një komunikate zyrtare, skuadra bëri të ditur se do të marrë në konsideratë përgjigjet e 37-vjeçarit portugez, sapo të saktësohen faktet e plota.
“Manchester United është në dijeni të një shpërthimi mediatik në lidhje me një intervistë të Cristiano Ronaldos. Klubi do të shqyrtojë përgjigjen e tij pasi të jenë vërtetuar faktet e plota.
Fokusi ynë mbetet në përgatitjet për gjysmën e dytë të sezonit dhe vazhdimin e ecurisë, besimit dhe bashkimit që po ndërtohet mes lojtarëve, trajnerit, stafit dhe tifozëve.”, thuhet në komunikatë.
Ronaldo po kalon një moment jo të mirë tek skuadra e Manchester United. Deklaratat e bëra nga portugezi, i hapin rrugë largimit të tij në muajin janar.
ℹ️ Club statement.#MUFC
— Manchester United (@ManUtd) November 14, 2022
LEXONI GJITHASHTU
