Lista e lojtarëve më të shtrenjtë në ‘Katar 2022’, s’ka vend për Messin dhe Ronaldon

Kur duhen pak ditë nga nisja e kampionatit botëror në Katar, Transfermarket ka publikuar listën e 11 lojtarëve më të vlerësuar në aspektin financiar.

Nuk ka dyshime, në vendin e parë qëndron sulmuesi francez, Kylian Mbappe me një vlerë afro 160 mln euro. Pas tij renditet Vinicius Junior, i cili vlen jo më pak se 120 mln euro.

Vlera më tej zbret në 90 mln euro ku bëhet fjalë për emra si Pedri i Spanjës, më pas treshja angleze Belingam, Kane dhe Phil Foden.

Ndër të tjera, po sipas Transfermarket, në listë nuk mungon as emri i bomberit serb të Juventusit, Dusan Vlahovic dhe mesfushori Bruno Fernandez, me vlerë afro 85 mln.

Vlera e tre mesfushorëve De Bruyne, Musiala dhe Tchouameni është diku në 80 mln euro. Kjo është lista e plotë me 11 lojtarët më të vlefshëm të botërorit të Katarit.

Ajo çka bie në sy është se mungojnë emrat e mëdhenj dhe me shumë trofe personal si Messi dhe Ronaldo, ndërkohë nuk ka vend as për brazilianin Neymar Junior.

Katar 2022 pritet të nisë më 20 nëntor, ndërsa është cilësuar një kompeticion ndryshe nga të mëparshmit, kjo dhe për shkak të periudhës në të cilën zhvillohet.

LEXONI GJITHASHTU

• Reja para miqësores, komenton listën dhe kontratën: Do të flasim kur të mbarojë
• Reja grumbullon 22 lojtarë nga Superiorja për miqësoren me Katarin
• Altin Rraklli: Kombëtarja ka nevojë për një trajner shqiptar që jeton në Shqipëri