Reja grumbullon 22 lojtarë nga Superiorja për miqësoren me Katarin

Lojtarët e kampionatit vendas do të kenë mundësinë të veshin sërish fanellën e kombëtares shqiptare.

Trajneri Edoardo Reja ka publikuar listën e kuqezinjve të grumbulluar në prag të sfidës me Katarin, e cila do të luhet në Marbeja të Spanjës.

77-vjeçari nuk ka ndryshuar shumë sa i përket lojtarëve të thirrur, teksa 4 futbollistë thirren për herë të parë.

Ata janë Herald Marku, Serxho Ujka, Mario Dajsinani apo Arbin Zejnullai. Arbnor Muçolli, Sokol Cikalleshi dhe Elhan Kastrati nuk janë lejuar nga klubet e tyre për t’u bërë pjesë e grumbullimit.

Përfaqësuesja do të shfrytëzojë shtyrjen e javës së 12-të të “Abissnet Superiore” për të nisur grumbullimin që ditën e shtunë me ekipin që do të përgatitet në kompleksin Tropikal në Durrës deri të martën, kur do të niset për në Marbella të Spanjës.

Sa i përket miqësores së 9 nëntorit, Shqipëria dhe Katari janë përballur dy herë me njëra-tjetrën. Ndërkohë kuqezinjtë do të zhvillojnë dhe dy ndeshje të tjera, njëra përballë Italisë në 16 nëntor dhe tjetra në 19, përballë Armenisë, në ‘Air Albania’.

LEXONI GJITHASHTU

• Pique njofton tërheqjen nga futbolli, të shtunën ndeshja e fundit me Barcelonën

• Rekord italian në Champions, 5 trajnerë axurrë në fazën me eleminim direkt
• Destinacioni i fundit i Ballkanit, skuadra e Ilir Dajës mbyll aventurën europiane