Koalicion me Berishën dhe Metën? Flet kryetari i Bindjes Demokratike

Kryetari i Partisë Bindja Demokratike, Fabian Topollaj deklaroi se nuk do të ketë koalicion me Partinë Demoktatike dhe Partinë e Lirisë për zgjedhjet e ardhshme lokale.

Në një intervistë për Euronews Albania, Topollaj u shpreh se Bindja Demokratike do të garojë e vetme në zgjedhje.

Sipas tij, forca politike që ai kryeson, nuk do të ndihej komode nëse do të dilte në lista të përbashkëta me Partinë e Lirisë.

“Formalisht, Partia Demokratike, të paktën pjesa e përfaqësuar nga zoti Berisha ka bërë një ftesë formale për të gjithë partitë politike. Por ajo që po ndodh në kampin e zotit e Berisha, është që atje do ndodhë një bashkim real vetëm me partinë e Ilir Metës. Me ndryshimet që i kanë ndodhur Kodit Zgjedhor, një koalicion duhet të dalë me një listë të vetme këshilltarësh, dikur secila parti e ruante identitetin dhe kishte mundësi të dilte me listën e vet.

Ne nuk ndohemi fare komod që të përfshihemi në lista të përbashkëta me partinë e zotit Meta, por edhe me partitë kryesore të së djathës, që është Partia Demokratike. Nuk na lidh pothuajse asgjë në mënyrën se si e konceptojmë politikën”, theksoi ai.

LEXONI GJITHASHTU

• Zgjedhjet lokale, emrat e kandidatëve të mundshëm për primaret e PD-së
• Gara për Tiranën brenda PD, në pritje për konfirmim Julian Deda dhe Ilir Alimehmeti
• Berisha kërkon largimin përfundimtar të Ramës