Koçiu sulmon Berishën në Kuvend: Mbylle sytë për policët e lënduar, je gënjeshtar patologjik

Ministrja e Brendshme, Albana Koçiu, ka reaguar ashpër në Kuvend ndaj kreut të PD, Sali Berisha, pas deklaratës së tij se asnjë efektiv nuk u dhunua ose lëndua gjatë protestës së dy ditëve më parë.

“Thua që nuk u dëmtua asnjë polic. Ndaj të ka dënuar historia, i ke fantazmat në dollap,” tha Koçiu.

Ministrja shtoi: “Siç ishe zotrote në spital, isha dhe unë, por ti zgjodhe të mos shohësh policët dhe të mbyllje sytë. Je gënjeshtar patologjik, përveçse dhunues dhe porositës kronik i dhunës dhe derdhjes së gjakut. E ke në gjak të derdhësh gjak.

Pse nuk i takove policët në spital? Ata u lënduan sepse u porosit dhunë ndaj tyre. Në vend që të kesh turp e të distancohesh nga dhuna, thua që nuk u dëmtua asnjë polic. Ndaj të ka dënuar historia. Nuk u shpëton dot shpirtrave të atyre që ke vrarë. Do të të përndjekin,” përfundoi ajo.